ரேடியோவில் வரும் ஆகாசவாணி செய்திகள் வாசிப்பது சரோஜ் நாராயணசுவாமி
தினமும் விளையாடும் கண்ணாமூச்சி
மாதம் முழுதும் காத்திருந்து படிக்கும் கோகுலம் அம்புலிமாமா
கோடை விடுமுறை ஸ்பெஷல் டிங்கில் சம்பக்
ஒரு மணி நேரம் இரண்டு ருபாய் வாடகை சைக்கிள்
அதை பிடிக்கவென்றே கூடவே ஓடி வரும் நண்பர்கள்
வெள்ளிக்கிழமை ஒலியும் ஒளியும்
சனிக்கிழமை மொழி புரியாத ரீஜினல் பிலிம்
தூர்தர்ஷனின் கண்மணி பூங்கா
ஞாயிற்றுக்கிழமை ரங்கோலி
பொருட்காட்சி் ஜெயண்ட் வீல் அங்கே விற்கும் டில்லி அப்பளம் …
இப்படி காணாமல் போனவைகளின் மிச்சங்களை இருட்டில் தேடி கொண்டே இருக்கிறது தொலைந்து போன பிள்ளை மனம் !!